भारतमा अहिले लोकसभाको निर्वाचन जारी छ । निर्वाचन लक्षित खराब गतिविधि हुन सक्ने भन्दै चुनावी सुरक्षाका लागि पर्याप्त सुरक्षाकर्मी परिचालन गरिएको छ ।
हावडाको बग्नानमा चुनावी सुरक्षामा खटिएका सेन्ट्रल फोर्सका एक जवानले गोली हानी हाकिमको हत्या गरेका छन् । २६ वर्षीय जवान लक्ष्मीकान्त बर्मनले बिहेको लागि छुट्टी नदिएको भन्दै बिहीबार इन्सास राइफलबाट १३ राउण्ड गोली चलाउँदा उनका हाकिमको मृत्यु भएको छ भने अन्य दुई जना गम्भीर घाइते भएका छन् । भारतीय सञ्चारमाध्यमका अनुसार आगामी मे २० मा तय गरिएको विवाहका लागि छुट्टी नदिएको झोंकमा उनले गोली चलाएका थिए ।
आसाम राज्यको सशस्त्र प्रहरी बलअन्तर्गत कार्यरत बर्मनले सब इन्सपेक्टर भोलानाथ दासमाथि गोली चलाएका हुन् ।
