काठमाडौँ । नेपाली मजदुर सवार यात्रुबाहक बस भारतको केरला एर्णाकुलम जिल्ला र आलापूणा जिल्लाको सिमानामा दुर्घटना हुँदा चार नेपाली बेपत्ता भएका छन् ।
कम्पनीको गाडीमा फर्कने क्रममा पुलबाट बस नदीमा खसेको थियो । दुर्घटनामा परी प्यूठान खाल–१ का गोमन घर्ती र श्यामबहादुर पुन, खाल–९ का हिमलाल तिर्के र रोल्पा घोडागाउँका मधु केसी बेपत्ता भएका छन् । दुर्घटनामा परेका भिंगृ–६ प्यूठानका पदमबहादुर रोका, भिंगृ–८ का जङ्गबहादुर विक र उक्टबहादुर आले, भिंगृ–४ का सुरेश रोकालाई माछा मार्ने स्थानीयवासीले उद्धार गरेका छन् ।
त्यसैगरी मलेसियामा कारको ठक्करबाट एक नेपालीको मृत्यु भएको छ। मलेसियाको सेलेङ्गर राज्यको वान्तिङ्गमा जाजरकोट कोर्ताङ्गका बलवहादुर कसेराको सडक पार गर्ने क्रममा कारले ठक्कर दिँदा बिहीबार मृत्यु भएको हो ।