भारतमा बस दुर्घटना, २० को मृत्यु , ३ दर्जन घाइते

बिजपाटी संवाददाता

बिजपाटी संवाददाता

Jun 20, 2019 | 07:41:51 PM मा प्रकाशित

laxmi  sunrise bank

भारतमा बिहीबार भएको सवारी दुर्घटनामा परी कम्तीमा २० जनाको मृत्यु भएको छ । घटनामा परेर ३५ जना घाइते भएकोमा केहीको अवस्था गम्भीर रहेको अधिकारीहरुले जानकारी दिएका छन् ।

हिमाञ्चल प्रदेशमा पर्ने कुल्लु जिल्लाको बान्जार क्षेत्रमा रहेको पहाडी क्षेत्रमा बस दुर्घटना भएको प्रहरीले जनाएको छ । घटनास्थल बन्जार हिमाञ्चल प्रदेशको राजधानी शिमालदेखि झण्डै १६८ किलोमिटर टाढा पर्दछ । सडकबाट झण्डै ५०० मिटर तल खसेर बस दुर्घटना भएको हो ।

“यात्रु बोकेर आइरहेको बस आज बन्जारको सडकबाट धेरै तल खोँचमा खसेको छ, घटनामा परी कम्तीमा २० जना मारिएका छन् भने अरु ३५ भन्दा बढी घाइते भएका छन्,” एक सरकारी अधिकारीले भने । उनले घटनास्थलमा उद्धारकर्मीहरु पठाइएको र घाइतेहरुलाई अस्पताल लगिएको पनि जानकारी दिए ।

घाइते मध्ये केहीको अवस्था गम्भीर भएकाले मृत्यु हुनेको संख्या अझ बढ्न सक्ने धेरैले अनुमान गरेको समाचारमा जनाइएको छ । भारतमा सडक दुर्घटनामा परी सयौँ मानिसको मृत्युका घटना बेला बेलामा भइरहने गरेका छन् । विषेश गरेर खराव अवस्थाका सडक, पर्याप्त मर्मत नगरिएका सवारी साधन र चालकको लापर्वाही दुर्घटनाका मुख्य कारण रहेको विज्ञहरुले बताएका छन् ।

Share Your Thoughts

Recent News

Main News

Close in 7


Bizpati.com © 2020. All Rights Reserved