पाकिस्तानी प्रधानमन्त्री इमरान खानले बुधबार काश्मिर भ्रमण गरेका छन् । भारतले भारत प्रशासित जम्मु काश्मिरको विशेष राज्य अधिकार केन्द्र मातहत राखेपछि खानले पहिलोपटक पाकिस्तानको भू–भागमा पर्ने काश्मिरको भ्रमण गरेका हुन् ।
भारतले जम्मु काश्मिरको विशेष मान्यता खारेज गरेपछि पाकिस्तानले भारतविरुद्ध अन्तराष्ट्रिय अदालत जाने चेतावनी दिसकेको छ । उसले भारतीय कदमका सम्बन्धमा आपतकालीन बैठक बोलाउन संयुक्त राष्ट्रसंघीय सुरक्षा परिषदमा औपचारिक अनुरोध पनि गरिसकेको छ ।
जम्मु काश्मिरको तनावपछि पाकिस्तानले भारतीय राजदूतलाई फिर्ता गर्दै दुई देशीय व्यापार पनि रोकेको छ ।
