श्रीलंकामा चार महिनादेखि जारी संकटकाल अन्त्य भएको छ । इस्लामिक अतिवादी समूहले विभिन्न होटल र चर्चहरुमा गरेको आक्रमणपछि सरकारले संकटकालको घोषणा गरेको थियो । आक्रमणमा २ सय ५८ जनाको मृत्यु भएको थियो ।
गत अप्रिल २१ मा श्रीलंकाका तीन होटल र तीन वटा चर्चमा भएको भीषण आक्रमणपछि राष्ट्रपति मैत्रीपाला सिरिसेनाले संकटकाल घोषणा गरेका थिए । राष्ट्रपति सिरिसेनाको कार्यालयले बिहीबारबाट संकटकालीन अवस्था फुकाएको हो ।
