भारतले जम्मु काश्मीरमा पहिलोपटक चुनाव गराउने भएको छ । संविधानको धारा ३७० खारेज पछि भारतले आगामी अक्टोबर २४ मा जम्मु काश्मिरमा चुनाव गराउने भएको हो । जम्मु काश्मीरका मुख्य चुनाव अधिकारी शैलेन्द्र कुमारले ब्लक डेभलपमेन्ट काउन्सिलको चुनाव गराउने जानकारी दिएको बिबिसीले लेखेको छ ।
पहिलो चरणमा २६ हजार ६२९ पञ्च र सरपञ्च तथा ३१० ब्लक डेभलपमेन्ट काउन्सिलका चेयरपर्सनको चुनाव हुनेछ । प्रदेशका २२ जिल्लामा जिल्ला विकास बोर्डका चेयरपर्सन पनि चुनिनेछन् । यसभन्दा अघि नोभेम्बर २०१८ मा जम्मु काश्मीरमा पञ्चायतको चुनाव भएको थियो ।