आइतबार कृष्णसागर (ब्ल्याक सी)मा दुर्घटनाग्रस्त भएको रसियाली सेनाको विमानको ब्ल्याक बक्स फेला परेको छ । रसियाली अधिकारीका अनुसार विमानको ककपीट क्रियाकलाप र त्यहाको महत्वपूर्ण जानकारीहरु रेकर्डहुने ब्ल्याक बक्स मंगलबार फेला परेको हो । ब्ल्याक बक्स फेला परेसंगै दुर्घटनाको अनुसन्धानमा सहयोग पुग्ने छ ।
उडेको केहि समय मै रेडारबाट सम्पर्क बिहीन भएको रसियाली सेनाको टियु १५४ नामक बिमान आइतबार ब्ल्याक सीमा दुर्घटनाग्रस्त भएको थियो ।
९० जना भन्दा बढी सवार बिमान रसियाको सोचीको विमानस्थलबाट उढेको केहि मिनेट मै 'ब्ल्याक सी' भन्दा माथिको आकाशमा अपुग्दा रेडारबाट सम्पर्क बिहिन भएको थियो । रसियाली सेनाको त्यस बिमानमा ८३ यात्रु र ८ चालक दलका सदस्य थिए । बिमानमा ९ पत्रकार र एक सांगेतिक समुह पनि थियो ।
उनीहरु नयाँ बर्ष तथा क्रिसमसको अवसरमा सिरियामा एक सांगेतिक प्रस्तुतिमा भाग लिन गई रहेका थिए । उद्दारकर्ताहरुले बिमानको केहि भग्नावासेश र केहि शब फेला पारेका छन् ।
दुर्घटनामा सवार सबैको मृत्यु भएको छ ।