भारतमा कोरोना भाइरसका कारण ज्यान गुमाउनेको संख्या १३ पुगेको छ । बुधबार भारतमा एकैदिन कोरोनाका कारण तीन जनाको ज्यान गएपछि मृत्यु हुनेको संख्या १३ पुगेको हो । बुधबार बिहान ५४ वर्षीय पुरुष, साँझपख मध्यप्रदेशको उज्जैनमा ६५ वर्षीया महिला र राति गुजरातको अहमदावादकी ८५ वर्षीया महिलाको कोरोनाका कारण ज्यान गएको हो ।
हालसम्म भारतका २५ राज्यमा कोरोना फैलिसकेको छ । हालसम्म भारतमा ६८६ जनामा यो भाइरसको संक्रमणको पुष्टि भएको छ ।
