इजरायलका प्रधानमन्त्री बेन्जामिन नेतन्याहूमा कोरोना भाइरसको संक्रमणको आशंका गरिएको भएपनि उनको रिपोर्ट नेगेटिभ आएको छ । प्रधानमन्त्री कार्यालयका अनुसार रिपोर्ट नेगेटिभ आएपनि उनी क्वारेन्टाइनमै बस्ने भएका छन् ।
नेतन्याहूका सल्लाहकार र सहयोगीलाई कोरोना भाइरसको संक्रमण देखिएपछि उनको पनि स्वास्थ्य परीक्षण गरिएको थियो । इजरायलमा हालसम्म ४ हजार ६९५ जनामा कोरोनाको संक्रमण पुष्टि भएको छ ।