भारतको आसाममा बाढीमा परी ज्यान जानेको संख्या ९६ पुगेको छ । शुक्रबार थप तीन जनाको ज्यान गएपछि बाढीमा परी ९६ जनाको ज्यान गएको भारतीय सञ्चारमाध्यमले जनाएका छन् ।
हप्तादिनसम्म परेको अविरल वर्षापछि ठूलो बाढी आएको थियो । आसाम राज्यको विपद् व्यवस्थापन विभागले दिएको जानकारीअनुसारअहिले पनि वर्षा भईरहेको छ । विभागले २७ लाख मानिस प्रभावित भएको जनाएको छ ।
आसाममा चार सयभन्दा बढी शिविर बनाएर विस्थापित मानिसहरुलाई राखिएको छ।
