भारतको राजधानी नयाँ दिल्ली तथा आसपासको क्षेत्रमा शुक्रबार बिहान भूकम्पको धक्का महशुस भएको छ । स्थानीय समय अनुसार बिहान ४:२५ मा गएको भूकम्प १ मिनेटसम्म महशुस भएको थियो ।
अमेरिकी भुगर्व बिभागले भूकम्प ४.९ रेक्टर स्केलको भएको बताएको छ । भूकम्पको केन्द्र बिन्दु हरियाणामा रहेको र भूकम्प ३० किमीको गहिराईमा उत्पन्न भएको भारतीय संचार माध्यमहरुले बताएका छन् ।
भूकम्पले कुनै मानवीय क्षति नभए पनि बिहान सबैजना सुतिरहेको बेला आएको भूकम्पले स्थानीय त्रसित भएको बताईएको छ।
