इरानको संसद र राजधानी तेहरानस्थित आयातोल्लाह खोमेनीको समाधिस्थलमा बुधबार बन्दुकधारीले शृंखलाबद्ध आक्रमण गरेका छन् । आक्रमणमा १२ जनाको मृत्यु भएको छ भने ३ दर्जन बढी घाइते भएका छन् ।
इस्लामिक अतिवादी समूह ‘आइएस’ले आक्रमणको जिम्मेवारी लिएको छ ।
एकजना आत्माघाती आक्रमणकारी र दुई, तीन जना अरु बन्दुकधारीले आक्रमण गरेको बताइएको छ। बन्दुकधारीले संसद भवन भित्र केहिलाई बन्धक बनाएका थिए ।