शिव श्री हाइड्रोपावरले आइपिओ निष्काशनको अनुमति पाएको छ । नेपाल धितोपत्र बोर्डले मंगलबार कम्पनीलाई आयोजना प्रभावित स्थानीयलाई शेयर निष्काशनको अनुमति दिएको हो ।
अब कम्पनीले स्थानीयको लागि १४ लाख ७६ हजार ४०० कित्ता शेयर निष्काशन गर्ने छ । कम्पनीले शेयर निष्काशनको लागि सिद्धार्थ क्यापिटललाई बिक्रि प्रबन्धक नियुक्त गरेको छ ।
आयोजना प्रभावितलाई शेयर जारी गरेपछि कम्पनीले सर्वसाधारण र कर्मचारीलाई २० लाख २३ हजार ६०० कित्ता शेयर निष्काशन गर्नेछ ।
कम्पनीले सिन्धुपाल्चोकको चाँखु खोलामा २२.२ मेगावाट क्षमताको जलविद्युत आयोजना निर्माण गरिरहेको छ । आइपिओले इक्रा नेपालबाट ग्रेड ४ को रेटिंग पाएको छ । यसले कम्पनीको वित्तयि अवस्था औषत रहेको जनाउछ ।