पाँचथर पावर कम्पनी लिमिटेडले आईपिओ निष्काशनको अनुमति पाएको छ । कम्पनीले १९ करोड २५ लाख रुपैयाँ बराबरको १९ लाख २५ हजार कित्ता आईपिओ निष्कासनको अनुमाति माग गरेको हो ।
जस मध्ये ९ लाख ६२ हजार ५ सय कित्ता आयोजना प्रभावित स्थानीयलाई र बाँकि ९ लाख ६२ हजार ५ सय कित्ता सर्वसाधारणलाई निष्काशन गरिने कम्पनीले जनाएको छ । हाल कम्पनीको चुक्तापूँजी ७६ करोड रुपैयाँ रहेकोमा आइपिओ जारी गरेपछि कम्पनीको पूँजी ९५ करोड पुग्नेछ । शेयर निष्काशनको लागि सानिमा क्यापिटल बिक्रि प्रबन्धक चयन भएको छ ।
कम्पनीले पांचथरमा १४.९ मेगावाटको हेवा खोला ए आयोजना निर्माण गरी विद्युत उत्पादन गरिरहेको छ ।