ग्रिन लाइफ इनर्जी लिमिटेडले आईपिओ निष्काशनको अनुमति पाएको छ । नेपाल धितोपत्र बोर्डले कम्पनीलाई पुस १७ गते शेयर निष्काशनको अनुमति दिएको हो ।
कम्पनीले पहिलो चरणमा आयोजना प्रभावित दोलखा जिल्लाका स्थानीयलाई कुल पुंजीको १० प्रतिशत शेयर निष्काशनको अनुमति पाएको हो । अब कम्पनीले आयोजना प्रभावित दोलखावासीलाई १८ करोड बराबरको १८ लाख कित्ता शेयर निष्काशन गर्ने छ ।
कम्पनीले दोलखा जिल्लाको साविकको मार्बु गाविसमा ४० मेगावाटको खानी खोला १ आयोजना निर्माण गरिरहेको छ ।