घलेम्दी हाइड्रोको आईपिओमा २ गुणा बढीको आवेदन, कतिले भरे शेयर ?

मोहम्मद अज्मत अलि

मोहम्मद अज्मत अलि

Jan 06, 2019 | 05:22:06 PM मा प्रकाशित

laxmi  sunrise bank

घलेम्दी हाइड्रोले निष्काशन गरेको आईपिओमा माग भन्दा बढीको आवेदन परेको छ ।  बिक्रि प्रबन्धक भिबोर क्यापिटलका अनुसार आइतबार बेलुका ५ बजेसम्मको तथ्यांक अनुसार ३७ हजार ३ सय ५८ आवेदकले २८ लाख ३५ हजार ७ सय ७० कित्ताको लागि आवेदन दिएका छन् । यो माग भन्दा झन्डै २ गुणा बढीको आवेदन हो ।     

कम्पनीले  पुस १९ गते बिहिबारदेखि  १५ करोड ५५ लाख ७७ हजार रुपैयाँको १५ लाख ५५ हजार ७७० कित्ता साधारण सेयर निष्काशन गरेको हो ।   

यस अघि कम्पनीले असार २२ गतेदेखि म्याग्दीको आयोजना प्रभावित अन्नपूर्ण गाउँपालिकाका स्थानीयबासिन्दालाई ५ करोड ५० लाख रुपैयाँ बराबरको ५ लाख ५० हजार कित्ता आईपिओ निष्कासन गरेको थियो । तर स्थानीयले केवल ९४ हजार ७ सय ८० कित्ताको लागि आवेदन दिएका थिए। कम्पनीले स्थानीयले खरिद नगरेका ४ लाख ५५ हजार २ सय २० कित्ता शेयर समेत थपेर १५ लाख ५५ हजार ७७० कित्ता शेयर निष्काशन गरेको हो । 

जस मध्ये २२ हजार कित्ता कम्पनीका कर्मचारीको लागि र ५५ हजार कित्ता कित्ता सामुहिक लगानी कोषको लागि छुट्याइएको थियो । तर लगानी कोष इच्छा नदेखाएपछि सो समेत गरी कुल १५ लाख ३३ हजार ७ सय ७० कित्ताको लागि सर्वसाधारणले आवेदन दिन सक्ने छन् ।  लगानीकर्ताले छिटोमा पुस २३ र ढिलोमा माघ १८ गतेसम्म आएव्दन दिन सक्ने छन् । आवेदन दिदा न्युनतम ५० कित्ता र अधिकतम १० हजार कित्ताको लागि आवेदन दिन सकिने बिकी प्रबन्धक भिभोर क्यापिटलले जनाएको छ ।  तर ५० कित्ताभन्दा बढीको लागि आवेदन दिनु उचित हुने छैन  ।  

कम्पनीको आईपिओलाई इक्रा नेपालले ग्रेड ५ रेटिङ्ग प्रदान गरेको छ । यसले कम्पनीको अवस्था कमजोर रहेको जनाउँछ । शेयर निष्काशनको लागि कम्पनीले भिबोर क्यापिटललाई बिक्रि प्रबन्धक चयन गरेको छ ।  कम्पनीले म्याग्दीको अन्नपूर्ण गाउँपालिका–४ नारच्याङस्थित घलेम्दीखोला जलविद्युत् आयोजना निर्माण गरिरहेको छ  ।  

कम्पनीको बारेमा थाहा पाउन यहाँ क्लिक गर्नु होला ।  

यो पनि : 

'२ महिना मै बिजुली बेच्छौ, आईपिओमा लगानी सुरक्षित छ' घलेम्दी हाइड्रोका अध्यक्षको अन्तर्वार्ता


घलेम्दी हाइड्रोको आइपीओ विश्लेषण: शंकाको घेरामा १० प्रतिशत लाभांश (रिपोर्ट सहित)



Share Your Thoughts

Recent News

Main News

Close in 7


Bizpati.com © 2020. All Rights Reserved