ग्रिन लाइफ इनर्जी लिमिटेडले माघ २२ गतेदेखि आईपिओ निष्काशन गर्ने भएको छ। कम्पनीले आयोजना प्रभावित दोलखा जिल्लाका स्थानीयलाई शेयर निष्काशन गर्न लागेको हो । कम्पनीले १८ करोड बराबरको १८ लाख कित्ता शेयर निष्काशन गर्न लागेको हो ।
लगानीकर्ताले न्यूनतंम २० कित्तादेखि अधिकतम ९ हजार कित्तासम्मको लागि आवेदन दिन सक्ने छन् । आवेदन दिनको लागि छिटोमा फागुन ७ र ढिलोमा फागुन २७ गतेसम्म मिति तोकिएको छ ।
आवेदन दिनको लागि ग्रिन लाइफको आयोजना स्थलको कार्यालय, सेन्चुरी बैंकको सिंगटी र चरिकोट शाखा, र प्राइम कमर्शियल बैंकको जिरी र बैतेश्वर शाखा केन्द्र तोकिएका छन् ।
कम्पनीले ग्रेड ४ को रेटिंग पाएको छ । यसले कम्पनीको आधारपुत पक्ष औसत भन्दा तल रहेको बुझाउछ ।
कम्पनीले दोलखा जिल्लाको साविकको मार्बु गाविसमा ४० मेगावाटको खानी खोला १ आयोजना निर्माण गरिरहेको छ ।
