युनिभर्सल पावर कम्पनीले निष्काशन गरेको आइपीओमा माग भन्दा बढीको आवेदन परेको छ। सेयर निष्काशक तथा बिक्रि प्रबन्धक सिद्दार्थ क्यापिटलकाअनुसार युनिभर्सलको आइपीओमा फागुन ७ गतेसम्म १ लाख १ हजार ९ सय ६६ आबेदकबाट ८९ लाख ४४ हजार ४ सय ४० कित्ता को लागि आबेदन परेको छ। सर्वसाधारणका लागि मात्रै भनेर युनिभर्सलले ८६ लाख ७४ हजार ४ सय ९२ कित्ता छुट्याएको थियो । यस अनुसार शेयरमा माग भन्दा बढी आवेदन परिसकेको छ ।
कम्पनीले यस अघि स्थानीयको लागि बिक्रि खुला गर्दा अवितरित १७ लाख ६६ हजार १ सय ५० कित्ता समेत थपेर सर्वसाधारणलाई ९३ लाख २७ हजार ४ सय १० कित्ता शेयर सर्वसाधारणलाई निष्काशन गरेको हो । जस मध्ये १ लाख ८६ हजार ५ सय ४८ कित्ता शेयर कर्मचारीको लागि छुट्याइएको छ भने ४ लाख ६६ हजार ३ सय ७० कित्ता सामुहिक लगानी कोषको लागि रहेको छ ।
शेयरमा माग भन्दा बढी आवेदन परेकोले बुधबार बैंकिंग बजेपछि आवेदन बन्द हुने क्यापिटलले जनाएको छ । माग गरिए भन्दा बढी आवेदन परेकोले केहि आवेदकले माग गरे भन्दा कम कित्ता शेयर पाउने निश्चित छ । यद्यपि अधिकांश आवेदकले माग गरे बमोजिम कै शेयर पाउने छन् ।
यो पनि: युनीभर्सल पावरको आइपीओ विश्लेषण: लाभांश अर्कोबर्षको कमाईबाट, यस्तो हुनेछ सुरुवाती सेयरमुल्य ? (रिपोर्ट ) |
आवेदकले न्युनतम ५० कित्ता देखि अधिकतम ५० लाख कित्ताको लागि आवेदन दिन सक्ने छन् । सम्पूर्ण आश्वा सदस्य बैंक तथा वित्तीय संस्था र मेरो शेयर मार्फत अनलाइन पनि आवेदन दिन सकिने छ।