शिवम सिमेन्ट लिमिटेडले निष्काशन गरेको आईपिओ आज बुधवार बाँडफांड हुने भएको छ । बिक्रि प्रबन्धक सिद्धार्थ क्यापिटलले बुधबार बिहान १० बजेपछि शेयर बाँडफांडगर्न लागेको हो ।
कम्पनीले फागुन ६ गतेदेखि स्थानीय र सर्बसाधारणलाई आईपिओ निष्काशन बिक्रि खुला गरेको थियो । जस अनुसार सर्वसाधारणलाई ४४ लाख कित्ता आईपिओ निष्काशन गरिएको थियो । कुल ४४ लाख कित्ता मध्ये कम्पनीले कर्मचारी र सामुहिक लगानी कोषलाई समान २ लाख २० हजार कित्ता छुट्याएको थियो । बाँकि रहेको ४१ लाख २० हजार कित्ताको लागि सर्वसाधारणले आवेदन दिएका हुन ।
आईपिओमा ५१ हजार ८ सय ८२ आवेदकबाट ५१ लाख ८९ हजार हजार ५ सय ६० कित्ताको लागि आवेदन परेको छ । त्यस्तै स्थानीयको लागि छुट्याइएको शेयर मध्ये ९४ हजार ६ सय ९५ कित्ताको लागि आवेदन नपरेको क्यापिटलले जनाएको छ । स्थानीयले खरिद नगरेको शेयर पनि सर्वसाधारणलाई बिक्रि हुने छ ।
आईपिओमा सर्वसाधारणले न्यूनतंम ५० कित्ताको लागि आवेदन दिनु पर्ने ब्यबस्था थियो । जस अनुसार ५० देखि ५ हजार ६ सय ४० कित्ताको लागि आवेदन दिने सबैले माग अनुसार कै शेयर पाउने छन् । सो भन्दा बढी कित्ताको लागि आवेदक दिएका मध्ये गोलाप्रथा बाट थप १० कित्ता सेयर वितरण गरिने क्यापिटलले जनाएको छ ।
स्थानीय तर्फ भने सबै आवेदकले माग अनुसार कै शेयर पाउने छन् ।