नेपाल एग्रो लघुवित्त वित्तीय संस्थाले निष्काशन गरेको आईपिओमा माग भन्दा ४२ गुणा बढीको आवेदन परेको छ । आवेदन दिने आज अन्तिम दिनसम्म बेलुका सम्ममा आईपिओमा कुल ३ लाख १५ हजार ६ सय १६ आवेदकबाट ६४ लाख ११ हजार ३ सय ७० कित्ताको लागि आवेदन परेको बिक्रि प्रबन्धक एसबिआई मर्चेन्ट बैंकिंगले जनाएको छ । आवेदन फेरिफाई हुने क्रम मै रहेकोले यो संख्या केहि तल माथि हुन् सक्ने छ ।
कम्पनीले बैशाख ८ गतेदेखि १ करोड ६१ लाख ७७ हजार ८ सय रुपैयाँ बराबरको १ लाख ६१ हजार ७ सय ७८ कित्ता आइपीओ बिक्रीमा राखेको हो। जसमध्ये २४ सय ८९ कित्ता कर्मचारीहरुलाई र ८ हजार ८९ कित्ता सामुहिक लगानी कोषलै छुट्याइएको छ । बाँकि रहेको १ लाख ५१ हजार २ सय कित्ताको लागि सर्वसाधारणले आवेदन दिएका हुन । कम्पनीको शेयर गोलाप्रथाबाट १५ हजार १ सय २० जनालाई १० कित्ताका दरले बाँडफांड हुनेछ । यस हिसाबमा ३ लाख बढी आवेदन हात खाली हुने प्रारम्भिक आंकलन गरिएको छ ।
यो पनि: नेपाल एग्रोको जोड हकप्रदमा मात्रै, यस्तो छ लाभांश दाबी र वास्तविकता (विश्लेषण) |
कम्पनीको मुख्य कार्यालय कास्की जिल्ला पोखरा महानगरपालिका–१८, विन्ध्यवासिनीमा रहेको छ । संस्थाले १० जिल्लामा रहेका २६ शाखाबाट १५ हजार ९७० महिलाबीच वित्तीय कारोबार सञ्चालन गरिरहेको छ।
कम्पनीको बारेमा
नेपाल एग्रोले नेपाल राष्ट्र बैंकबाट २३ भदौ २०७३ मा ‘घ’ वर्गको वित्तीय संस्थाको रुपमा कारोबार गर्न स्वीकृति लिएर ४ असोजबाट औपचारिक कारोबार सुरु गरेको हो ।
पोखरा कास्कीमा रजिष्टर्ड कार्यालय रहेको यस लघुवित्तले कास्की, पर्वत, बागलुङ, गुल्मी, प्यूठान, रोल्पा, सल्यान, पाल्पा, तनहुँ र लम्जुङ गरी १० जिल्लाका २६ वटा शाखा कार्यालयमार्फत लघुवित्त सेवा दिइरहेको छ ।
वित्तीय अवस्था
यस अवधिमा लघुवित्तको अधिकृत पुंजी १० करोड छ भने जारि पुंजी ४ करोड ९७ लाख ७८ हजार रुपैयाँ छ भने चुक्ता पुंजी ३ करोड ३६ लाख छ। पुस मसान्तसम्म लेखापरीक्षण नभएको वित्तीय प्रतिवेदनअनुसार १ करोड ४ लाख रुपैयाँ खुद ब्याज आम्दानी गरेको छ । चालु आर्थिक बर्षको दोस्रो त्रैमाससम्म लघुवित्तको खुद मुनाफा ७२ लाख २० हजार छ।
