बिजपाटी सम्बाददाता     May 03, 2019 | 12:56:06 PM



dace

गणपति माइक्रोफाइनान्सले निष्काशन गरेको आईपिओ बाँडफांड भएको छ  । बिक्रि प्रबन्धक एनआईबिएल एस क्यापिटलले शुक्रबार बिहान शेयर बाँडफांड गरेको हो  ।  

कम्पनीले सर्वसाधारणलाई ३ करोड ३५ लाख बराबरको ३ लाख ३५ हजार कित्ता शेयर निष्काशन गरेको हो । जस मध्ये ५ हजार १ सय ७५ कित्ता कर्मचारीलाई सुरक्षित गरिएको छ भने १६ हजार ७ सय ५० कित्ता सामुहिक लगानी कोषको लागि बाँडफांड गरिएको छ  । बाँकि रहेको शेयरको लागि सर्वसाधारणले आवेदन दिएका हुन  ।

कम्पनीको आईपिओमा  ३ लाख २२ हजार ६ सय ९ आवेदकबाट ६५ लाख ७१ हजार ९० कित्ताको लागि आवेदन परेको थियो । जस मध्ये ७ सय जनाको आवेदन रद्द भएको क्यापिटलले जनाएको छ । योग्य रहेका ३ लाख २२ हजार ६ सय ९ आवेदक मध्येबाट ३१ हजार ३ सय ८ जनाले समान १० कित्ता शेयर पाएका छन् ।  आवेदन दिएका मध्ये २ लाख ९२ हजार १ जना खाली हात भएका छन् ।   



आईपिओको नतिजा केहि समयपछि बिजपाटी डटकममा प्रकाशित हुने छ ।  

 गणपति माइक्रोफाइनान्सको अधिकृत पूँजी रु.२० करोड, जारी पूँजी रु.१० करोड र चुक्ता पूँजी रु.७ करोड रहेकोछ भने सर्वसाधारणहरुलाई शेयर निष्काशन गरी बाँडफाँट गरे पश्चात संस्थाको चुक्ता पूँजी रु.१० करोड ३५ लाख हुनेछ । राष्ट्रिय स्तरको यस वित्तीय संस्थाले २०७३ मंसीर २४ गतेदेखि आफ्नो वित्तीय कारोवारको शुुभारम्भ गरेको हो । कम्पनीको मुख्य कार्यालय  दुलेगौढा, तनहुँमा रहेको छ ।  हाल कम्पनीको २० वटा शाखा रहेका छन् । 

Share your thoughts!

बिजपाटी सम्बाददाता

नेपालको आर्थिक अनलाइन पत्रिका








Close in 7