युनाईटेड इदी–मर्दी एण्ड आर.बि. हाईड्रोपावरले आईपिओ निष्काशनको अनुमति माग गरेको छ । कम्पनीले शेयर निष्काशनको अनुमति माग गर्दै साउन १४ गते नेपाल धितोपत्र बोर्डमा आवेदन दिएको हो ।
कम्पनीले स्थानीय र सर्वसाधारणलाई गरि प्रतिशेयर १०० रुपैयाँ अंकित दरको १० लाख ५० हजार कित्ता साधारण शेयर (आइपीओ) निष्काशन गर्न अनुमति माग गरेको हो । कम्पनीले शेयर निष्काशनको लागि ग्लोबल आइएमई क्यापिटललाई बिक्रि प्रबन्धक चयन गरेको छ । बिद्युत नियम आयोगबाट कम्पनीले यस अघि नै शेयर निष्काशनको अनुमति पाईसकेको छ ।
कम्पनीको आईपिओले ग्रेड ४ को रेटिंग पाएको छ । केयर रेटिंङस नेपालले कम्पनीलाई ग्रेड ४ को रेटिंग दिएको हो । यसले कम्पनीको अवस्था कमजोर देखाऊछ । रेटिंङ कम्पनीले ग्रेड १ देखि ५ सम्मको ग्रेडिंग प्रदान गर्ने गरेको छ। जसमा ग्रेड १ ले बलियो आधार जनाउँछ भने ग्रेड ५ ले सबैभन्दा कमजोर आधार जनाउँदछ।
कम्पनीले कास्कीमा ७ मेगावाट अपर मार्दीखोला हाइड्रोपावर आयोजना निर्माण गरिरहेको छ ।