नेपाल धितोपत्र बोर्डमा २ वटा लघुवित्त कम्पनीले आईपिओ निष्काशनको अनुमति माग गर्दै आवेदन दिएका छन् । समाज लघुवित्त र साधना लघुवित्तले आईपिओ निष्काशनको अनुमति माग गर्दै बोर्डमा आवेदन दिएका हुन् ।
समाज लघुवित्तले ८६ लाख बराबरको ८६ हजार कित्ता शेयर निष्काशनको अनुमति माग गरेको हो । कम्पनीले शेयर निष्काशनको लागि सिद्धार्थ क्यापिटललाई बिक्रि प्रबन्धक नियुक्त गरेको छ ।
त्यस्तै साधनाले ७ करोड ७ लाख ८० हजार बराबरको ७ लाख ७ हजार ८ सय कित्ता शेयर सर्वसाधारणलाई निष्काशन गर्न अनुमति माग गरेको हो । कम्पनीले हालै मात्र तनहुँ जिल्लाको डुम्रेमा रहेको आर्थिक सम्वृद्धि लघुवित्तलाई गाभेको थियो । यस संगै कम्पनी राष्ट्रिय स्तरको लघुवित्त कम्पनी बनेको छ। कम्पनीले शेयर निष्काशनको लागि ग्लोबल आइएमई क्यापिटललाई बिक्रि प्रबन्धक नियुक्त गरेको छ ।