नेपाल पुनर्बीमा कम्पनी लिमिटेडले निष्काशन गरेको आइपिओ बुधबार बाँडफांड हुने भएको छ । बिक्रि प्रबन्धक आरबिबि मर्चेन्टका अनुसार बुधबार बिहान ७:३० बजे आईपिओ बाँडफांड हुन् लागेको हो ।
आरबिबि मर्चेन्टका प्रमुख कार्यकारी अधिकृत बद्रि प्याकुरेलले टेकु स्थिति कार्यालयमा धेरै भिडभाड नगरी आईपिओ बाँडफांड गरिने बताएका छन् । उनले बाँडफांड कार्यक्रममा आउनेले अनिवार्य रुपमा मास्क लगाउनु पर्ने समेत बताएका छन् । कम्पनीले यसअघि चैत १४ गते नै आइपिओ बाँडफाँट गर्ने तयारीमा रहेपनि लकडाउनको कारण गर्न सकेको थिएँ । तर सरकारले लकडाउन अवधि थप गरेपछि अब कम्पनीले सतर्कर्ता अपनाएर बुधबार शेयर बाँडफांड गर्न लागेको हो ।
कम्पनीको आइपीओमा माग भन्दा बढीको आवेदन परेको छ । क्यापिटलका अनुसार आइपीओमा ५ अर्ब ७५ करोड ४७ लाख ३५ हजार रुपैयाँ बराबरको ५ करोड ७५ लाख ४७ हजार ३५० कित्ताका लागि आवेदन परेको छ । यो माग भन्दा ३.६८ गुणा धेरै आवेदन हो । यसमा ४ लाख ९ हजार ७२२ जनाले आवेदन दिएका छन् ।