चन्द्रागिरी हिल्स लिमिटेडले आईपिओ निष्काशन गर्ने भएको छ । कम्पनीले १८ करोड ४० लाख ९१ हजार बराबरको १८ लाख ४० हजार ९ सय १० कित्ता शेयर निष्काशन गर्ने भएको हो ।
कम्पनीले स्थानीय र सर्वसाधारणको लागि शेयर निष्काशन गर्न लागेको हो । कम्पनीले प्रति शेयर १०० मा नै शेयर निष्काशन गर्ने छ ।
कम्पनीले आईपिओ निष्काशनको अनुमति माग गर्दै जेठ २५ गते नेपाल धितोपत्र बोर्डमा आवेदन दिएको हो । कम्पनीको बिक्रि प्रबन्धकमा ग्लोबल आईएमई क्यापिटल रहेको छ ।
कम्पनीले काठमाडौँको चन्द्रागिरिमा केबलकार सञ्चालन गरिरहेको छ ।