माउन्टेन इनर्जी नेपाल लिमिटेडले साउन ८ गतेदेखि आयोजना प्रभावित स्थानीयहरुको लागि आईपिओ निष्काशन गर्ने भएको छ । कम्पनीले आयोजना प्रभावित नुवाकोट र म्याग्दीका स्थानीयलाई १९ लाख ६८ हजार २७ कित्ता शेयर निष्काशन गर्न लागेको हो ।
जस मध्ये नुवाकोटको स्थानीयलाई २ लाख ९ हजार ३ सय ६५ कित्ता र म्यादीका स्थानीयलाई १७ लाख ५८ हजार ६ सय ६२ कित्ता शेयर छुट्याईएको छ । स्थानीय लगानीकर्ताले छिटोमा साउन २२ गतेसम्म र पुरै आवेदन नपरेको खण्डमा भदौ ५ गतेसम्म आवेदन दिन सक्ने छन् । इच्छुक लगानीकर्ताले न्युनतम १० कित्ता र अधिकतम २० हजार कित्तासम्मको लागि आवेदन दिन सक्ने छन् । शेयर निष्काशनको लागि नबिल इन्भेस्टमेन्ट बिक्रि प्रबन्धक रहेको छ ।
स्थानीयलाई शेयर निष्काशनपछि कम्पनीले सर्वसाधारणको लागि शेयर निष्काशन गर्ने छ । कम्पनीले सर्वसाधारणको लागि १९ लाख ६८ हजार २७ कित्ता शेयर छुट्याएको छ ।
कम्पनीले म्याग्दीको निलगिरी खोलामा ३८ मेगावाटको आयोजना र मिस्ट्री खोलामा ४२ मेगावाटको आयोजना निर्माण गरिरहेको छ ।