रिलायन्स लाइफ इन्स्योरेन्सले निष्काशन गरेको आईपिओको 'प्रि एलोटमेन्ट' भएको छ । बिक्रि प्रबन्धक सानिमा क्यापिटलले आज 'प्रि एलोटमेन्ट' गरेको हो।
आईपिओ बाँडफाँड गर्नु अगाडी 'प्रि एलोटमेन्ट' गर्नु पर्छ । यसमा कसले कति शेयर पाउने र कुन तयारीबाट शेयर बाँडफाँड गरिने भन्ने तय हुन्छ ।
जस अनुसार कम्पनीको आईपिओ गोलाप्रथाबाट बाँडफांड हुने छ । आईपिओमा ५ लाख ८९ हजार ४ सय ६४ जनाले आवेदन दिएका थिए । जसमध्ये १९ सय ५५ जनाको आवेदन रद्द भएको बिक्रि प्रबन्धक सानिमा क्यापिटलले जनाएको छ ।
बाँकि रहेका ५ लाख ८७ हजार ५ सय ९ जनालाई गोलाप्रथाबाट शेयर बाँडफाँड गरिने छ । जस मध्ये ५ लाख ६७ हजारले १० कित्ता शेयर पाउने छन् भने २० हजार ५ सय ९ जनाले शेयर पाउने छैनन् ।कम्पनीको आईपिओमा माग भन्दा ४.०४ गुणा बढी आवेदन परेको थियो ।
बिक्रि प्रबन्धक सानिमा क्यापिटलले नेपाल धितोपत्र बोर्डले अनुमति दिएपछि शेयर बाँडफाँड हुने जनाएको छ ।