पाँचथर पावर कम्पनी लिमिटेडले आज (फागुन १३ गते) देखि सर्बसाधारणलाई साधारण शेयर निष्काशन गरेको छ। कम्पनीले आयोजना प्रभावितलाई शेयर निष्काशन गर्दा अवितरित ७ लाख ८७ हजार ७ सय ५० कित्ता समेत जोडेर सर्वसाधारणको लागि १७ लाख ५० हजार २ सय ५० कित्ता शेयर निष्काशन गरेको हो।
निष्काशन गरिएको साधारण सेयरमध्ये कर्मचारीलाई ३५ हजार ५ कित्ता, र सामुहिक लगानी कोषलाई ८७ हजार ५ सय १२ कित्ता छुट्याईएको छ। बाँकि रहेको १६ लाख २७ हजार ७ सय ३३ कित्ताको लागि सर्वसाधारणले आवेदन दिन सक्नेछन।
लगानीकर्ताले न्युनतम १० कित्ता र अधिकतम ९ सय ६ सय २० कित्तासम्म आवेदन दिन सक्नेछन्। आईपिओमा छिटोमा फागुन १६ गते र ढिलोमा चैत्र १२ गतेसम्म आवेदन दिन सकिने छ। शेयर निष्काशनको लागि सानिमा क्यापिटल बिक्रि प्रबन्धक रहेको छ। कम्पनीको आईपिओले ग्रेड ४ को रेटिंग पाएको छ। यसले कम्पनीको आधारभूत पक्ष औसत भन्दा कमजोर रहेको जनाउछ। कम्पनीले पांचथरमा १४.९ मेगावाटको हेवा खोला ए आयोजना निर्माण गरी २०७३ साल माघ २२ देखि बिद्युत उत्पादन गरि बिक्रि गरिरहेको छ।
यो पनि: 'बिजुली बेचिरहेका छौ,आइपीओ किन्नेले यहिबर्षदेखि प्रतिफल पाउँछ' एमडी ढुंगानाको अन्तर्वार्ता |
जारी पूँजी |
९६ करोड २५ लाख |
जारी हुने कित्ता |
१९ लाख २५ हजार |
आमसर्वसाधारण |
९ लाख ६२ हजार ५ सय (१०%) |
स्थानीय |
९ लाख ६२ हजार ५ सय (१०%) |
बिक्री नभएको स्थानीय शेयर |
७ लाख ८७ हजार ७ सय ५० |
सामुहिक कोषलाई आरक्षित
|
८७ हजार ५ सय १२ |
कर्मचारीलाई आरक्षित |
३५ हजार ५ |
अधिकतम आवेदन गर्न सकिने कित्ता |
९ हजार ६ सय २० कित्ता |
न्यूनतम |
१० कित्ता |
रेटिंग |
केयर एनपि आइपिओ ग्रेड ४ |
आयोजनाको कुल लागत |
२ अर्व ६१ करोड ४७ लाख |
प्रतिमेगावाट लागत |
१७ करोड ५४ लाख |
अनुमतिपत्र बहाल रहने अवधि |
२१०४ साल मंगसिर |
जडित क्षमता |
१४.९ मेगावाट |
प्रतिशेयर नेटवर्थ (आव २०७४/७५) |
रु. ८६.२२ |
व्यापारिक उत्पादन भएको मिति |
२०७३ माघ २२ गते |
मूल्य वृद्धि |
व्यापारिक उत्पादन भएका मितिले १३रौ महिनादेखि ३% का दरले
५ पटक |
व्यापारिक उत्पादन शुरु भएको ६१औं महिनादेखि पूर्ण
अवधिसम्मको बिक्री दर |
हिउँदमा ९.६६ रु. र
वर्खामा रु. ५.५२ |
वार्षिक उर्जा |
८ करोड २० लाख युनिट |
हिउँद |
१ करोड ४० लाख युनिट |
वर्खा |
६ करोड ४० लाख युनिट |
आवेदन खुल्ने मिति |
२०७५ फाल्गुन १३ गते |
आवेदन दिने अन्तिम मिति |
छिटोमा फागुन १६ र
ढिलोमा चैत्र १२ |
पूँजीको
उपयोग
कम्पनीले
आइपिओबाट प्राप्त हुने रकम आयोजना निर्माण गर्दा लिएको दीर्घकालीन ऋण भुक्तानीको
लागि १३ करोड ७५ लाख, अल्पकालीन कर्जा भुक्तानीको लागि ५ करोड र शेयर
निस्कासन खर्च तथा दायित्व भुक्तानीमा ५० लाख रुपैयाँ उपयोग गर्नेछ | सम्भवत शेयर निस्कासनबाट प्राप्त हुने रकम शेयर निस्कासन
खर्च भुक्तानी गर्ने प्रस्ताव गर्ने पहिलो कम्पनी हुनसक्छ |
वास्तविक
नाफा-नोक्सान
सुदुर
पूर्वमा पर्ने पाँचथर जिल्लाको हेवा खोलामा निर्माण भएको आयोजनाले २०७३ साल
माघदेखि व्यापरिक उत्पादन शुरु गरेको हो | कम्पनी आर्थिक
वर्ष २०७३/७४ देखि २०७४/७५ सम्म आइपुग्दा पनि संचालन घाटामा रहेको छ | कम्पनीले व्यापारिक उत्पादन शुरु भए पनि संचालन घाटा
व्यहोरिरहेको छ | आर्थिक वर्ष २०७४/७५ मा
कम्पनीले १० करोड संचालन घाटा व्यहोरेको छ |
प्रक्षेपित
नाफा-नोक्सान
चालु
आर्थिक वर्ष २०७५/७६ मा पनि कम्पनी ७ करोड संचालन घाटामा नै रहने
प्रक्षेपण गरेको छ | तर आर्थिक वर्ष ०७६/७७ मा भने
८ करोड ८१ लाख खूद मुनाफा गरि संचित घाटा पुरा गरेर नेटवर्थ धनात्मक हुने
प्रक्षेपण गरेको छ | आव ७६/७७ मा बिक्री
आम्दानी बढ्नसक्ने प्रक्षेपणको आधारमा झन्डै ९ करोड खुद मुनाफा हुने प्रक्षेपण गरिएको
हो | यस वर्ष कम्पनीले ४७ करोडको बिद्युत बिक्रि हुने अनुमान पेश
गरेको छ | आव ७६/७७ मा कम्पनीको नेटवर्थ १०९ पुग्ने प्रक्षेपण
गरेको छ | त्यस्तै आव ०७७/७८ मा
बिक्रि आम्दानी अझ बढ्न गइ २७ करोड खुद मुनाफा हुने पप्रक्षेपण गरेको छ |
प्रक्षेपण
र वास्तविकता
कम्पनी
चालु आर्थिक वर्ष २०७५/७६ सम्म संचालन घाटामा रहेर आगामी आर्थिक वर्षदेखि
मुनाफामा जान जानसक्ने भनेर गरेको प्रक्षेपणलाई अवास्तविक भन्न सकिने ठाउँ छैन तर
भने जति विद्युत बिक्री हुन्छ कि हुन्न भन्ने कुरा संशय छ | उत्पादित
विद्युत बिक्री हुन सकेको खण्डमा भने कम्पनीले गरेको प्रक्षेपण
अनुसार हुने अनुमान गर्न सकिन्छ | काबेली करिडोर प्रसारण लाइन निर्माण पुरा
नहुँदा यसको मार अरुण काबेली र राईराँग आयोजनाले समेत भोगिरहेका छन् | पाँचथर पावरले पनि यहि पिडा भोगेको छ | आयोजनाले पहिले नै लाइन पाएको भए पहिलो सालदेखि
नै कम्तिमा ४० करोडको विद्युत बिक्रि गर्न सक्ने सामर्थ्य राख्थ्यो तर लाइन अभावमा
उत्पादित बिजुली डिब्बा बन्द गर्न आयोजना बाध्य बनेको देखिन्छ | यसको बिक्रि आम्दानीमा हिउँदको विजुलीको मात्र योगदान बढी देखिएको
छ | यसको वार्षिक उर्जा क्षमता राम्रो देखिएको छ | हिउँदमा थप उर्जा प्राप्त हुनसक्ने स्थिति विवरणपत्रमा
उल्लेख गरिएको छैन | यस्तो उर्जा भएमा कम्पनीको आयमा थप टेवा पुग्छ | एक अनौपचारिक जानकारी अनुसार हिउँदमा थप उर्जा आउने स्थिति
छैन |
लगानी
निर्णय
यो विश्लेशण विवरणपत्र र अनौपचारिक जानकारीका आधारमा तयार पारिएको हो | यो विश्लेषणले लगानी गर्न वा नगर्न कुनै सल्लाह दिंदैन | लगानी गर्नलाई केहि आधार मात्र दिन्छ | शेयर लगानी दोस्रो बजारमा बेचेर नाफा लिनेमा मात्र सिमित हुन्न | दोस्रोबजार निरपेक्ष लाभ हानी हिसाब गर्ने थलो हैन | यहाँबाट आवश्यक परेको बेला बाहिरिन सहज होस् भनेर दिएको एउटा सुबिधा मात्र हो | दोस्रोबजारमा सूचीकरण हुँदा यसले आव २०७४/७५ को लेखापरीक्षण भएको वित्तीय प्रतिवेदन अनुसार रु. ८६.६२ देखि रु. २ सय ६० को पहिलो कारोबारको लागि दायरा प्राप्त गर्ने देखिन्छ | दोस्रोबजारमा कतिमा कारोबार खुल्छ अनुमान गर्न सकिन्न | विवरणपत्र अनुसार कम्पनीले आव २०७६/७७ मा मात्र लाभ दिन सक्ने देखिन्छ | तर प्रसारण लाइन पुरा भएमा त्यो भन्दा अगाडी आव ७५/७६ मा पनि दिनसक्छ तर यसमा अहिले नै ठोकुवा गर्न सकिन्न |