पुर्व प्रधानमन्त्री एवम समाजवादी पार्टीका अध्यक्ष डा. बाबुराम भट्टराईले मातातिर्थको जग्गा राजनीतिक र कानुनी रुपमै निर्णय गरेर मोहीलाई वितरण बताएका छन् । आज प्रतिनिधिसभाको बैठकमा विशेष समय लिएर उनले जग्गा राजनीतिक र कानुनी निर्णय अनुसार नै मोहीलाई वितरण गरेको तर व्यक्तिलाई जग्गा वितरण नगरेको बताएका हुन्।
उनले आफ्नो कार्यकालको सरकारले नेपाल ट्रस्टको जग्गा व्यक्तिलाई बाँडेको भन्ने कुरा झुटो भएको दावी गरेका हुन् । उनले सोझासाझा जनताले दर्ता गर्न नसकेको अवस्थामा आफूले उक्त जग्गा पुनः मोहीहरुलाई दिएको बताए ।
उनले ललिता निवासको जग्गा र मातातीर्थको जग्गा प्रकरण फरक भएको समेत बताए । उनले ललिता निवासको जग्गा प्रकरण भूमाफियाहरुको योजनामा ‘लुट’ नै भएको भन्दै मातातीर्थ प्रकरण फरक भएको बताए ।
डा.भट्टराईले सम्पूर्ण प्रक्रिया पुरा गरेर नै आफूले निर्णय गरेको बताए । नेपाल ट्रस्टको सूचना अनुसार विधिसम्मत नै आफूले उक्त जग्गा वास्तविक मोहीलाई वितरण गरिएको उनले प्रष्ट पारेका हुन्।
