नेपालमा कोरोना भाइरसको सातौँ संक्रमित भेटिएका छन् । भारतबाट फर्किएका कास्कीका एक व्यक्तिमा कोरोना भाइरसको संक्रमण देखिएको हो । पोखरा स्वास्थ्य विज्ञान प्रतिष्ठानले गरेको परीक्षणमा कोरोनाको संक्रमण पोजेटिभ देखिएको गण्डकी प्रदेश सरकारले जनाएको छ ।
पहिलो रिपोर्ट पोजेटिभ आएकोले थप परिक्षणको नमुना काठमाडौँ पठाईएको छ । कोरोना पुष्टि हुन् ३ वटा परिक्षण गर्ने गरिएको छ ।