नेपाल धितोपत्र बोर्ड र नेपाल स्टक एक्सचेन्ज नेप्सेका कर्मचारीलाई शेयर खरिद बिक्रि गर्न बन्देज लगाउन ब्यबस्था गर्न सिफारिस गर्दै अर्थ समितिमा प्रतिवेदन पेश भएको छ । समितिले पूँजीबजार तथा मुद्राबजार बारे अध्ययन गर्ने गठन गरेको उपसमितिले कर्मचारीलाई साधारण सेयर (आईपिओ)मा समेत आवेदन दिन रोक लगाउन सिफारिस गरेको हो ।
राम कुमारी झाक्री नेतृत्वको उप समितिले बोर्ड र नेप्सेका कर्मचारीले सेयर भरेर चलखेर गर्ने गरेको आरोप लगाउदै शेयर खरिद बिक्रिमा बन्देज लगाउन सुझाव दिएको हो । उपसमितिले यदि कर्मचारीसंग अहिले शेयर रहेको भए सो समेत बिक्रि गर्न लगाउने ब्यबस्था गर्न भनेको छ । यो प्रतिवेदनमाथि पूर्ण समितिमा छलफल भने हुने छ ।
हाल पनि नेप्से र बोर्डका कर्मचारीले दोस्रो बजारमा लगानी गर्न पाउदैनन् । बोर्डका कर्मचारीहरुले अंकित मूल्यमा निष्काशन हुने आईपिओमा मात्र आवेदन पाउँछन् । उनीहरुले दोस्रो बजारमा र प्रिमियममा निष्काशन हुने आईपिओमा लगानी गर्न पाउदैनन् । त्यस्तै नेप्सेका कर्मचारीले पनि आईपिओमा मात्र लगानी गर्न पाउने ब्यबस्था छ । उनीहरुले दोस्रो बजारबाट शेयर खरिद बिक्रि पाउने छैनन् ।
