सत्तारुढ नेपाल कम्युनिष्ट पार्टी (नेकपा) ले प्रवास समन्यव कमिटीमा सदस्यहरु नियुक्ति गरेको छ । आइतबार बसेको सचिवालय बैठकले कमिटी निर्माण गरेको हो ।
कमिटिको अध्यक्षमा युवराज चौलागाई चयन भएका छन् । त्यस्तै सचिवमा श्रीप्रसाद शाह, समन्वय समितिको इन्चार्जमा विन्दा पाण्डे र सहइन्चार्जमा लक्ष्मण पन्त तोकिएका छन्। रुकु विक सदस्य चयन भएकी छिन् ।
बैठकमा इश्वर पोखरेल बाहेकका सचिवालय सदस्य उपस्थित थिए । पोखरेल शनिबार युएई प्रस्थान गरेका थिए।
बैठकमा मन्त्रिपरिषद् पुनर्गठनबारे छलफल भएको थियो । यद्यपि को को बाहिरिने भन्नेबारे निर्णय भने नभएको बैठकमा सहभागी एक सदस्यले बताए ।