मुक्तिनाथ विकास बैंक Muktinath Bikas Bank Limited ले ४ लाख कित्ता अबधि शेयर लिलाम गर्ने भएको छ । बैंकले हकप्रद निष्काशन गर्दा बिक्रि नभएको ४ लाख ३ हजार २ सय २० दशमलव २५ कित्ता शेयर लिलाम गर्ने भएको हो ।
जस मध्ये ३ लाख ७ सय ३ दशमलव ९३ कित्ता सर्वसाधारणतर्फको र बाँकि १ लाख २ हजार ५ सय १६ दशमलव ३२ संस्थापक समुहको रहेको छ । इच्छुक बोलकबोलदाताले मङ्सिर ८ गतेदेखि १५ गतेसम्म बोलपत्र पेश गर्न सक्ने छन् । बोलपत्र फारम लिन र बुझाउनको लागि मुक्तिनाथ क्यापिटलको कार्यालय थापाथली र मुक्तिनाथ विकास बैंकको पोखरा, नेपालगञ्ज, धनगढी, सुर्खेत , विराटनगर, र जनकपुर शाखा केन्द्र तोकिएका छन् ।
बैंकले भदौ १२ गतेदेखि १:०.२ को अनुपातमा २० प्रतिशतको दरले ६१ करोड २९ लाख ५२ हजार २५ रुपैयाँको ६१ लाख २९ हजार ५ सय २० दशमलव २५ कित्ता हकप्रद शेयर निष्काशन गरेको थियो । जस मध्ये रितपुर्वक आवेदन दिने १८ हजार ७ सय ७३ जनालाई ५७ लाख २६ हजार ३ सय कित्ता बाँडफांड गरिएको बैंकले जनाएको छ ।
