सरकारले कोरोना भाइरसको उपचारमा आवश्यक पर्ने औषधि ल्याउने जिम्मा नेपाली सेनालाई दिने भएको छ । स्वास्थ्य सेवा विभागले नेपाली आपुर्तिकर्ताहरुसँग आज कोटेशन माग गर्ने भनिएपनि विभागले आपुर्तिकताएसँग कुनै कोटेशन लिएन ।
ओम्नी विजनेश कर्पोरेट इन्टरनेसनलसँगको सम्झौता रद्द गरेको घोषणा गर्दै विभागका महानिर्देशक महेन्द्रकुमार श्रेष्ठले जीटूटीमार्फत ल्याउने कि भनेर छलफल भइरहेका कारण नयाँ प्रक्रिया सुरु नगरिएको बताए ।
कोरोना रोग रोकथाम तथा नियन्त्रण उच्चस्ततरीय समितिले जी टू जी मार्फत स्वास्थ्य सामाग्री ल्याउने जिम्मा सेनालाई दिनेबारे छलफल गरिरहेको छ ।