सरकारले राष्ट्रिय गौरवका आयोजनामा बाहिरका कामदारको प्रवेश रोक्ने निर्णय गरेको छ । आज बिहिबार बसेको कोरोना रोग रोकथाम तथा नियन्त्रण उच्चस्तरीय समितिको बैठकले माथिल्लो तामाकोशी जलविद्युत आयोजना र मेलम्ची खानेपानी आयोजना लगायतका ठूला विकासे आयोजनामा बाहिरका कामदारलाई प्रवेश नदिने निर्णय गरेको हो ।
समितिका निर्णय सार्वजनिक गर्दै सरकारका प्रवक्ता समेत रहेका अर्थ एवम् सञ्चार तथा सूचना प्रविधिमन्त्री डा. युवराज खतिवडाले आयोजना भित्रै बसेका कामदारलाई नै सतर्कता अपनाएर काममा लगाउने निर्णय भएको बताएका हुन् । उनले बाहिर रहेका कामदारलाई भित्र प्रवेश गर्न नदिने र भित्रै रहेका कामदारबाट काम सिचारू गर्ने निर्णय भएको बताए ।
