केहिदिनको अन्तरालपछि सेयरबजारमा हरियाली छाएको छ। निरन्तर ओरालो गति लिएको बजार परिसूचक नेप्सेले सोमबारको कारोबारमा झिनो २।९७ अंकको वृद्धिसंगै हरियो देख्न पाएको छ। यससंगै नेप्से ११७८।०३ को बिन्दुमा उक्लिएको छ।
कुल १५८ कम्पनीका सेयर खरिद बिक्रि भएको दिनमा अघिल्लो दिनको तुलनामा कुल कारोबार रकम, संख्या र भोलुममा गिरावट आएको छ। बैंकिङ समुहमा वृद्धि आउँदा समग्र नेप्से परिसूचक हरियो बनेर बन्द भएको हो। बाँकी अन्य उपसूचक घटेका छन।
अरुण काबेली पावर, अपि हाइड्रो र बरुण हाइड्रोपावर लिमिटेडको सेयरमुल्य आफ्ना समुहमा कम्जोर रह्यो भने नागरिक लगानी कोष, जनउत्थान सामुदायिक लघुवित्त वित्तीय संस्था र सिटि एक्सप्रेस फाइनान्स लिमिटेडको सेयरमुल्य तुलनात्मक रुपमा उत्कृष्ट रह्यो । भर्खरै कारोबारमा आएको अपार तामाकोशी, जनउत्थान सामुदायिक लघुवित्त वित्तीय संस्था र सिटि एक्सप्रेस फाइनान्सको सेयरमुल्यमा सोमबारको कारोबारमा तिब्र उतारचढाब रह्यो।
एक समाचार: नेपाल राष्ट्र बैंकले बैंक तथा वित्तीय संस्थालाई आफूले स्वीकृत गरेको सम्पूर्ण ऋण तथा सुविधाका बारेमा विवरण कर्जा सूचना केन्द्रमा पठाउन निर्देशन दिएको छ । बैंकले आज एक सूचनामार्फत ‘क’ ‘ख’ र ‘ग’ वर्गका बैंक तथा वित्तीय संस्थालाई ९० दिनभन्दा बढीले भाखा नाघेका सम्पूर्ण कर्जाका बारेमा समेत जानकारी दिन आग्रह गरेको छ ।
महत्त्वपूर्ण बजार समाचार: -सानिमा माइ हाइड्रोपावरको २१ लाख १०,००० कित्ता बोनस सेयर सुचिकृत -तारागाउँ रेजेन्सी होटलको १२ प्रतिशत नगद लाभांश प्रस्ताब -नेशनल लाइफ इन्स्योरेन्सको १३.५ प्रतिशत बोनस सेयर प्रस्ताब -हिमाल दोलखा हाइड्रोपावरबाट धितोपत्र बोर्डमा ७८ लाख कित्ता आइपीओ निष्काशनलाई आबेदन -जनसेवी लघुवित्त वित्तीय संस्थाको ४ लाख ६३ हजार ३०० कित्ता धितोपत्र बोर्डमा पाइपलाइनमा -आशा लघुवित्त वित्तीय संस्थालाई ६ लाख ७४ हजार कित्ता आइपीओ निष्काशनको अनुमति आजका महत्त्वपूर्ण घटना -पांचथर पावर कम्पनी लिमिटेडको ९ लाख ६२ हजार ५०० कित्ता आइपीओ आयोजना प्रभावित पांचथरबासिलाई बिक्रि खुला -मिथिला लघुवित्त वित्तीय संस्थाको बुक क्लोज |
उत्कृष्ट ५ स्क्रिप्ट प्राइसिंग ले हिजोको कारोबारको आधारमा आज कुन कुन कम्पनीको सेयरमुल्य तुलानाताम्क रुपमा बढी मुल्यमा, कम मुल्यमा र फेयर मुल्यमा कारोबार भएको छ भन्ने बुझाउँछ। यसबाट लगानीकर्ताले आफुसंग भएको कम्पनीको सेयर 'अन्डर प्राइस' क्यातोगोरीमा छ भने भोलि यसको मुल्य बढ्न सक्ने प्रक्षेपण गर्न सक्छन भने 'ओभर प्राइस' क्याटोगोरीमा भएका कम्पनीको सेयर मुल्य भोलिका दिन घट्न सक्छ आजै बेचेर प्रोफिट बुक गर्दा बढी फाइदा लिन सकिन्छ भन्ने बुझाउछ। आजको सेयरकारोबारमा एनसीसी सहित ५ बैंकको सेयरमल्य अन्डरप्राइसको सुचिमा छन। भने स्ट्याण्डर्ड चार्टड सहित ५ बैंकको सेयर महँगो सुचिमामा छन । |
ट्रेडेड स्क्रिप्ट स्त्याट्स अन्तर्गत तपाइँहरुले सम्बन्धित दिनमा कुल कारोबार भएका कम्पनीहरु र तिनीहरुको सेयर मुल्यको बारे जानकारी लिन सक्नुहुन्छ। यसमा देखाइएको रातो रंगले कारोबार आएका कुल कम्पनी मध्ये सेयर मुल्य घटेको देखाउछ भने निलो रगले कारोबारमा आएपनि सेयरमुल्यमा कुनै परिवर्तन नआएको जनाउँछ त्यस्तै हरियो रंगले सेयरमुल्य बढेको बुझाउँछ। त्यस्तै कालो रंगले सुचिकृत भएका तर कारोबारमा नआएका कम्पनी भन्ने बुझाउछ। |
आउटलुकको अर्थ आज सेयर बजारको रुप कस्तो हुन्छ, बजार घट्छ वा बढ्छ भन्ने एउटा प्रक्षेपणको सूचक मात्र हो। यसमा देखाइएको रातो रंगले बजार आज घट्न सक्छ भन्ने बुझाउछ भने हरियोले बढ्न सक्छ भन्ने बुझाउँछ। आजको कारोबारमा नेप्से परिसूचक बढ्ने प्रक्षेपण गरिएको छ। |
नोट: बजार संक्षेप (मार्केट समरी) समयमै अपडेट भएका बजारका सूचकहरुलाई आधार मानेर तयार गरिएको हो। अघिल्लो दिनको कारोबारको आधारमा सम्बन्धित दिनको बजार संक्षेप तयार गरिएको हो। जानकारी र यसमा उल्लेख तथ्यांक सेयर लगानीकर्तालाई लगानीको निर्णय लिनलाई सहज होस भन्ने उदेश्यले मात्र प्रकाशन गरिएको हो तर यसमा उल्लेख सूचना जानकारी र सुझाबहरु नै सबैथोक होइनन। यस बजार संक्षेपमा उल्लेख सूचना र जानकारीको आधारमा गरिएका लगानीको निर्णय र त्यसको प्रभाबबारे केसीएल अस्टुट क्यापिटल र बिजपाटी डटकम उत्तरदायी हुने छैनन।