एनएमबि माइक्रोफाइनान्सले लाभांश घोषणा गरेको छ । कम्पनीको कार्तिक २९ गते बसेको संचालक समितिको बैठकले लगानीकर्तालाई गत आर्थिक बर्षको मुनाफाबाट लगानीकर्तालाई १५ प्रतिशत बोनस र कर प्रयोजनको लागि ०.७८९४७४ प्रतिशत नगद लाभांश प्रस्ताव गरेको हो ।
कम्पनीले १५ प्रतिशतले हुन आउने २ करोड ११ लाख ३१ हजार २ सय ५० रुपैयाँ बराबरको बोनस शेयर र कर प्रयोजनको लागि ०.७८९४७४ प्रतिशतले हुन् आउने ११ लाख १२ हजार १ सय ७१ रुपैयाँ नगद लाभांश प्रस्ताव गरेको हो ।
कम्पनीको उक्त्त प्रस्ताव नेपाल राष्ट्र बैंकले स्वीकृति दिएपछि र कम्पनीको आगामी साधारणसभाले पारित गरेपछि लगानीकर्तालाई वितरण हुनेछ । हाल कम्पनीको चुक्ता पुंजी १४ करोड ८ लाख रहेकोमा प्रस्तावित बोनसपछि कम्पनीको चुक्ता पुंजी १६ करोड २० लाख पुग्ने छ ।
