समिट लघुवित्त र सजिलो लघुवित्तको मर्जर प्रस्ताव पारित भएको छ । समिट लघुवित्तको आइतबार भएको विशेष साधारणसभा तथा सजिलोको वार्षिक साधारणसभाले मर्जर प्रस्ताव सर्बसम्मतिले पारित गरेको हो ।
१:१ को अनुपातमा २ संस्था मर्ज हुने प्रस्ताव पारित भएको हो । मर्जर पश्चात समिट लघुवित्तको नामबाट एकिकृत कारोबार सुरु हुने छ भने अध्यक्ष र सीइओ समिटबाट हुने छन् । सभाले मर्जरको कार्य गर्ने सम्पूर्ण अख्तियारी संचालक समितिलाई दिएको छ भने हालसम्म भएका कार्यको अनुमोदन गरेको छ । मर्जरको लागि नेपाल राष्ट्र बैंकले दुवै सस्थालाई चैत्र ५ गते सैदान्तिक स्वीकृति दिईसकेको छ । मर्जरपछि बन्ने संस्थाको केन्द्रीय कार्यालय काठमाडौँको टोखामा रहने उल्लेख छ ।
मर्जरपछि बन्ने संस्थाको चुक्ता पुँजी ३९ करोड ४३ लाख पुग्ने छ । मर्जरपछि सर्वसाधारणको शेयर स्वामित्व ३० प्रतिशतभन्दा कम हुने भएकोले मर्जरपछि एफपिओ निष्काशन गर्ने प्रस्ताव समेत सभाले पारित गरेको छ ।