Announcement IPO Result
CLOSE


शिब धिताल/बिजपाटी     Sep 12, 2018 | 06:52:11 PM



ruslan ruslan

टीभीएस टू ह्वीलको लागि नेपालको आधिकारीक बिक्रेता जगदम्बा मोटर्सले स्मार्ट कनेक्टेड स्कुटर एनटर्क १२५ नेपाली बजारमा ल्याएको छ। कम्पनीले नाडा अटो शो २०१८ मा उक्त स्कुटर सार्वजनिक गरेको हो। 

युवा वर्गको लागी लक्षित गरि डिजाइन गरिएको एनर्टक स्कुटर टिभिएस रेसिङ प्लेटफर्मका साथ ३ भल्ब इन्जिन युक्त रहेको छ। एनर्टक १२५ टेक्नोलोजी प्लेटफर्म टिभिएस स्र्माट कनेक्टले यो स्कुटरलाई कनेक्टेड स्कुटरमा परिभाषित गरेको छ । यसको सुरुवाती मूल्य २,२४,९०० रहेको छ।

टिभिएस एनर्टक १२५मा न्यू जेनेरेशन सिभिटीआइ आरइभिभी १२६।७९ सीसीको सिगंल सिलिन्डर, ४स्टोर्क, ३ भल्ब एयरकूल्ड इन्जिन रहेको छ । यसले ७५०० आरपीएममा ९।४ पिएस र ५५०० आरपीएममा १०।५ एनएम टर्क जेनेरेट गर्दछ। इन्जिनमा प्रयोग भएको अतिरित्त भल्भले यसको प्रदर्शन उच्च राख्दै उकृष्ट एक्सेलेरेशनका साथ ९५ किलोमिटर प्रतिघन्टाको गतिमा दौडिने कम्पनीको दाबि छ।

यस स्कूटरमा रहेको लो फ्यूल वार्निङले रिजर्वमा आएपछि कति दुरीपार गरेको छ भन्ने कुरा देखाउने कम्पनीले जनाएको छ। हेलमेट लगाउन भुल्नेहरुलाई यसले स्टार्ट गर्नासाथ हेलमेटको आइकन डिस्प्लेमा देखाउने जनाइएको छ।  १ सय ५५ एमएम ग्राउन्ड क्लियरेन्स भएको टीभीएस एनटर्क स्कुटरमा पाँच लिटर क्षमताको फ्युल ट्यांक छ। यो स्कुटर विभिन्न ५ रङमा उपलब्ध छन् । 


Share your thoughts!

शिब धिताल/बिजपाटी

Shiva Dhital










Close in 7