युवाहरुलाई रोजगारीका लागि मलेसिया पठाउने क्रममा ठगीको अभियोग लागेकालाई सफाइ दिने न्यायधीशमाथि छानविन हुने भएको छ । ठगीको अभियोग लागेका भिएलएनका सञ्चालक राम श्रेष्ठलाई सफाइ दिई रिहा गर्न आदेश दिएका ललितपुर जिल्ला अदालतका न्यायधीश विश्वमंगल आत्रेयमाथि छानविन हुने भएको हो ।
सोमबार बसेको न्यायपरिषदको बैठकले जिल्ला अदालतमा भीएलएनको बिषय सुनुवाई हुँदा गडबडी भएको निष्कर्ष निकालेको हो । यस सम्बन्धमा छानविन गरी १५ दिनभित्र प्रतिवेदन बुझाउन बैठकले सर्वोच्चका न्यायधीश आनन्दमोहन भट्टराईलाई जिम्मा दिएको छ । प्रधान न्यायाधीश चोलेन्द्रशमसेर जबराले न्यायाधीशमाथि निगरानी राख्न गठन गरेको संयन्त्रको प्रतिवेदनपछि उनलाई यस अघि नै सचिवालयमा तानिएको छ ।
प्रधानन्यायधीश चोलेन्द्र समशेर जबराले पद सम्हालेपछि गलत मनशायले फैसला गर्ने न्यायाधीसमाथि छानविन सुरु गरेका हुन् । प्रधान न्यायाधीशको कार्यभार सम्हालेलगत्तै राणाले न्यायाधीश उपर आउने गुनासा, टीका टिप्पणी सम्बन्धमा तत्काल सम्बोधन गर्ने गरी न्यायिक अनुगमन तथा निगरानी संयन्त्र बनाएका थिए । सो संयन्त्रबाट आवश्यक अनुगमन, निगरानी गर्ने, प्रतिवेदन लिने र आवश्यक प्रक्रिया अबलम्बन गर्ने राणाले बताएका थिए ।
न्यायपरिषदले बिराटनगर उच्च अदालतको सुन काण्ड सम्बन्धी छानबिन गरी १५ दिनभित्र प्रतिवेदन बुझाउने जिम्मा सर्वोच्चका न्यायाधीश इश्वर खतिवडालाई दिएको छ ।