चालु आर्थिक वर्षमा म्यानपावर कम्पनीहरु बिरुद्द ९ सय बढी उजुरी परेको छ । वैदेशिक रोजगार वोर्डका अनुसार वैशाख १८ गतेसम्मको अवधिमा विभिन्न ३ सय ९१ म्यानपावर बिरुद्द ९ सय २९ वटा उजुरी परेको हो । बोर्डका अनुसार युरो नेपाल ईन्टरनेशनल ईम्प्लोईमेन्ट सर्भिस ‘गौकृति ओभरसिस प्रा.लि’ म्यानवारविरुद्ध सबै भन्दा धेरै उजुरी परेको छ । यस म्यानपावर विरुद्ध यो वर्षमा ३६ वटा उजुरी परेको छ ।
यसैगरी उजुरी पर्नेमध्ये दोस्रो नम्बरमा स्ट्यामफोर्ड ब्रिज ईन्टरनेशनल सर्भिस‘ न्यू ब्लु स्टार ओभरससि’ प्रा.लि (३६२/०५९/६०) रहेको छ । यस म्यानपावर विरुद्ध भने २८ वटा उजुरी परेको छ । साथै द्रिष्मा ओभरसिस (१०७६/०७३/७४) विरुद्ध २६ उजुरी परेको छ ।
वैदेशिक रोजगार विभागमा धेरैजसो ठगी मुद्धाको उजुरी आउने गरेको विभागको भनाई छ । वैदेशिक रोजगारीमा पठाउने भन्दै पैसा लिने तर नपठाउने, विदेश पुगेर पनि तोेकेको काम, तलब,सेवासुविधा नपाउने लगाएतका उजुरी आउने गरेको उजुरी शाखाले जानकारी दिएको छ ।
हाल नेपालमा १२ सय बढी म्यानवापर कम्पनिहरु रहेका छन् । जसमध्ये ११८५ म्यानपावर सक्रिय रहेका छन् भने बाँकी ४७ म्यानपावर निष्क्रिय छन् ।
कुन कम्पनी बिरुद्द कति उजुरी ? हेर्नुस सुची :