गैरआवासीय नेपाली संघ (एनआरएनए)को निर्वाचनमा फर्जी मत खसेको भन्दै विवाद भएको छ । मतदानमा सहभागी केही प्रतिनिधि र उम्मेद्वारले समेत फर्जी मत खसेको भन्दै विरोध गरेपछि विवाद सुरु भएको हो ।
उम्मेदवार र प्रतिनिधिहरुले नक्कली परिचयपत्रधारीले मतदान गरिएको भन्दै केही मतदान स्थलमा प्रदर्शन गरिरहेका छन् । अध्यक्षका प्रत्यासी कुल आचार्यको समूहले स्वच्छ र निष्पक्ष मतदानको ग्यारेन्टी नभए सम्मेलन नै बहिष्कार गर्ने चेतावनी समेत दिएको छ ।
अहिले भोटिङ मेसिनको सट्टा मतपत्र प्रयोग गरी मतदान जारी छ । गएराति विद्युतीय भोटिङ मेसिनबाट मतदान सुरु भएलगत्तै प्राविधिक समस्या आएको भन्दै मतदान स्थगित गरिएको थियो ।