गैरआवासीय नेपाली संघ (एनआरएनए) को निर्वाचनमा मतदान प्रक्रिया सकिएको छ । कागजी प्रक्रियाबाट गरिएको मतदानमा ९१ प्रतिशत मत खसेको निर्वाचन समितिले जनाएको छ। २५ सय ७० मतदाता रहेकोमा २३ सय ४० मत खसेको हो। जसमा अफ्रीकाबाट १६, आवसीय बाट ४ सय ६२, मध्य पुर्वबाट ४ सय ७० , युरोपबाट ९ सय २० , अमेरिकाबाट २ सय ७१ र ओसियानाबाट २ सय ११ मत खसेको छ ।
मत गणना आजै केहि बेरमा सुरु हुने भएको छ ।
नयाँ नेतृत्वमा अध्यक्षमा कुमार पन्त र कूल आचार्य प्रतिस्पर्धामा छन् । यसैगरी महासचिवमा जानकी गुरुङ र डा हेमराज शर्माप्रतिस्पर्धामा छन् ।
सङ्घको नयाँ नेतृत्व दुई वर्षका लागि निर्वाचित हुने गर्दछ ।
‘म, मेरो एनआरएन र मेरो नेपाल’ भन्ने मूल नाराका साथ मङ्गलबारदेखि शुरु भएको सङ्घको नवौँ नेपाली विश्वसम्मेलन तथा अन्तर्राष्ट्रिय महाधिवेशनको उद्घाटन राष्ट्रपति विद्यादेवी भण्डारीले गरेकी थिइन् । बिहीबारसम्म तीन दिनसम्म चल्ने सम्मेलनमा ८१ मुलुकका करीब दुई हजार ५०० प्रतिनिधि सहभागी छन् ।
