आज बुधबार पनि शेयरबजारमा उछाल आएपछि समय अगावै आजको लागि कारोबार बन्द भएको छ । १२ बजेर २४ मिनेटमा बजार ६ प्रतिशत अर्थात ७५.७५ अंकले बढेपछि आजको लागि कारोबार बन्द भएको हो ।
मंगलबार पनि शेयर बजार परिसूचक नेप्सेमा ३ पटक सकारात्मक सर्किट लागेर बन्द भएकोमा आज पनि तेस्रो सर्किट लागेर बजार बन्द भएको हो । आज १४ मिनेटमा बजार ४ प्रतिशतले बढेपछि पहिलो सर्किट लागेको थियो । त्यस पछि ११ : ३५ मा बजार ५ प्रतिशतले बढेपछि दोस्रो सर्किट लागेको थियो । १२ बजेर २४ मिनेटमा बजार ६ प्रतिशतले बढेपछि आजको लागि कारोबार नै बन्द भएको हो ।
आज कारोबारमा आएका १३५ कम्पनीका ११ लाख १ हजार २ कित्ता शेयर खरिद बिक्रिबाट ४० करोड ७३ लाख बराबरको कारोबार भएको छ । कारोबारमा आएका मध्ये होटेल बाहेक सबै समुहगत सूचक बढेका छन् ।
आज कारोबारमा आएका ६ कम्पनी बाहेक सबैको शेयर मूल्य बढेको छ ।
