प्रधानन्यायाधीश र सर्वोच्च अदालतका न्यायाधीशले राष्ट्रिय तथा अन्तर्राष्ट्रिय गैरसरकारी संस्था (एनजिओ–आइएनजिओ)ं को निमन्त्रणामा विदेश भ्रमण गर्न नपाउने भएका छन् ।
संसदको विधायन समितिबाट हालै पारित ‘प्रधानन्यायाधीश तथा सर्वोच्च अदालतका न्यायाधीशको पारिश्रमिक, सुविधा र सेवाका अन्य सर्त’ सम्बन्धी विधेयकमा यस्तो व्यवस्था गरिएको हो ।
विधेयक शुक्रबारको संसद् बैठकले पारित गर्न लागेको छ । विधेयकको दफा ८ को उपदफा ७ मा यस्तो व्यवस्था गरिएको छ । दफा ७ मा भनिएको छ ‘स्वदेशी वा विदेशी गैरसरकारी संस्थाको निमन्त्रणामा प्रधानन्यायाधीश र न्यायाधीशले विदेश भ्रमण गर्ने छैनन् ।’ आजको नागरिक दैनिकमा खबर छ ।