गत बिहीबार केपी ओली प्रधानमन्त्री नियुक्त भएकै दिन, अर्थात् शीतल निवासमा उनले सपथ लिनुअगाडि धुम्बाराही पार्टी कार्यालयमा संसदीय दलको नेता चयनका क्रममा माधव नेपालबाटै प्रस्तावित भएपछि केपी नै भए । त्यो कार्यक्रम सकिनासाथ शीतल निवासमा सपथमा पुग्नुथियो । यतिबेलासम्म प्रधानमन्त्री मात्र टुंगिएको थियो, मन्त्रीहरुको पत्तो थिएन । कसैले कसैलाई बताएका पनि थिएनन् । अरुबेला एमालेका ‘किङमेकर’ मानिने नेताहरु नै जानकार थिएनन्, कि प्रधानमन्त्रीको शपथसँगै को–को मन्त्री हुँदैछन् भन्ने कुरा ।
ओलीले समानुपातिक सांसदहरुलाई प्रमाणपत्र वितरण गर्ने र आफू दलको नेता चयन हुने कार्यक्रालाइए सम्बोधनका क्रममा भनेका थिए, पुरुषजति सबैले दौरा–सुरुवाल लागाउने, महिलाले साडी–चोलो । यसपछि पोसाक नलगाएका सांसदहरु पनि पोसाकको खोजीमा लागे । सबैको मनमा थियो ‘मन्त्री पो भइहालिन्छ कि !’
पार्टीको कोही नेता नेता एकैछिनमा मन्त्री हुँदैछन् । तर, को भन्ने कसैलाई थाहा थिएन । वास्तविकाता के रहेछ भने पार्टी कार्यालयमा ओलाीलाई दलको नेताको रुपमा प्रस्ताव गरेलगत्तै ओली र माधवबीच कानेशुसी भएको रहेछ । माधवले ‘लालबाबु गरौं’ भनेपछि ओली चुपा लागे । त्यहाँबाट निस्किएर हिड्ने बेलामा ओलाीलाई माधवले भने, ‘उहाँलाई तपाईले नै भन्नुन् है त!’ यति भनेर ओली गाडी चढे । जनआस्थामा खबर छ