बुटवल उपमहानगरपालिकामा निर्माण साम्रागीको गुणस्तर परिक्षण गर्न प्रयोगशाला स्थापना भएको छ । प्रयोगशालाको बुटवल उपमहानगरपालिकाका प्रमुख शिवराज सुवेदीले उद्घाटन गरेका हुन् । स्थानीय सरकारको आफ्नै गुणस्तर प्रयोगशाला सञ्चालनमा आएको सम्भवत यो क्षेत्रमै पहिलो हो ।
प्रमुख सुवेदीले भवनसंहीताको कार्यान्वयनलाई अझ प्रभावकारी बनाउन प्रयोगशालाको महत्त्वपूर्ण भूमिका रहने बताए । बुटवलमा निर्माण कार्यका लागि प्रयोग गरिने सामग्रीको गुणस्तर नापजाँच अब यहीँ प्रयोगशालामा गराइने छ ।
बुटवलले भवनसंहीताको पूर्ण कार्यान्वयन गर्नुका साथै इलेक्ट्रोनिक बिल्डिङ परमिट सिस्टम लागू गरेको छ ।प्रयोगशालामा बुटवल र त्यस बाहिरका लागिसमेत दररेट निर्धारण गरेको छ । प्रयोगशालामा सिभएनालाइसिस सब बेस तथा बेस, फिल्ड डेनसिटी, प्रोक्टर कम्प्याक्ट प्रतिसेट, कम्प्रेसिभ स्ट्रेन्थ क्युब र डक्टाइलको परीक्षण गरिने उपमहानगरपालिकाले जनाएको छ ।