एक्सेल डेभलपमेन्ट बैंकको हकप्रद सुरक्षित गर्ने आज अन्तिम दिन रहेको छ । बैंकले २:१ को अनुपातमा ५० प्रतिशत हकप्रद निष्काशन गर्न लागेको हो ।
बैंकले हकप्रद निष्काशन प्रयोजनार्थ भदौ २१ गते बुक क्लोज गर्ने निर्णय गरेकोले आज अर्थात् भदौ १९ गतेसम्म कायम शेयरधनीले हकप्रद भर्न पाउने छन् ।
अब बैंकले १९ लाख २२ हजार ८ सय १२ दशमलव ५० कित्ता हकप्रद निष्काशन गर्ने छ । हकप्रद निष्काशनको लागि एस क्यापिटल बिक्रि प्रबन्धक रहेको छ ।
बैंकले गत आर्थिक बर्षको तेस्रो त्रैमासमा ११ करोड ७० लाख खुद नाफा गरेको थियो । हाल कम्पनीको चुक्ता पुंजी ३८ करोड ४५ लाख रेकोमा हकप्रद निष्काशनपछि चुक्ता पुंजी ५७ करोड ६८ लाख पुग्ने छ ।