युनाइटेड फाईनान्सले लाभांश
घोषणा गरेको छ । कम्पनीको भदौ २६ गते बसेको संचालक समितिको बैठकले आव ७३/७४
को मुनाफाबाट लगानीकर्तालाई १९ प्रतिशत बोनस वितरण गर्ने प्रस्ताव गरेको हो । बोनसमा लाग्ने कर भने लगानीकर्ता आफैले तिर्नु पर्ने भएको छ ।
त्यस्तै कम्पनीमा भारतीय वित्त कम्पनी मुटुथ फाइनान्सले २१ करोड रुपैयाँ
लगानी गर्ने भएको छ । फाइनान्सले मुटुथलाई बैदेशीक रणनीतिक साझेदारको रुपमा भित्राउन लागेको हो । मुटुथ फाइनान्सले प्रतिसेयर १ सय रुपैयाँ मूल्य नघट्ने गरि
कम्तिमा २० प्रतिशत अर्थात् २१ लाख कित्ता
शेयर खरिद गर्न लागेको हो ।
रणनीतिक साझेदार भित्र्याउने प्रस्ताव दुवै कम्पनीका नियामक
निकायबाट स्वीकृत भएपछि र साधारण सभाबाट पारित भएपछि लागु हुनेछ । साथै कम्पनीको बोनस प्रस्ताव समेत आगामी
साधारण सभाले पारित गरेपछि वितरण हुनेछ ।
