हकप्रद निष्काशन प्रयोजनको लागि नेपाल कम्यूनिटी डेभलपमेण्ट बैंक लि.ले बुक क्लोज मिति तय गरेको छ । बैंकले हकप्रद निष्काशन प्रयोजनार्थ असोज १८ गते बुक क्लोज गर्ने निर्णय गरेको हो । असोज १७ सम्म कायम शेयरधनीले हकप्रद भर्न सक्ने छन् ।
नेपाल कम्यूनिटीे डेभलपमेण्ट बैंक लि.को १ शेयर बराबर नयाँ १.२ (१ः१.२) शेयरको अनुपातमा १२० प्रतिशत हकप्रद शेयर निष्काशन गर्न लागेको हो । हकप्रद निष्काशनको लागि एनआईबिएल क्यापिटल मार्केटस् लिमिटेड बिक्री प्रबन्धक रहेको छ ।
बैंकले प्रति शेयर मूल्य रु १०० अंकित दरको २६ लाख ४३ हजार ५ सय ३८ दशमलव ८० कित्ता हकप्रद शेयर निष्काशन गर्न लागेको हो ।
बैंककोे हाल कायम चुक्ता पुँजी रु २२ करोड २ लाख ९४ हजार ९ सय रहेकोमा हकप्रद शेयर निष्काशन पश्चात् कुल चुक्ता पुँजी ४८ करोड ४६ लाख ४८ हजार ७ सय ८० पुग्ने जनाएको छ ।
